Hindi lamang China kundi maging ang Malaysia at Vietnam ay umookupa sa ilang bahagi ng Eexclusive Economic Zone (EEZ) ng bansa.
Ito ang inamin ni Defense Secretary Delfin Lorenzana sa naging pagdinig ng house appropriations committee hearing sa defense – military budget para sa 2020.
Ayon kay Lorenzana, maituturing na multi-nation conflict ang usapin sa West Philippine Sea dahil hindi lamang China ang pumapasok sa teritoryo ng bansa.
Tinukoy ni Lorenzana na ang Vietnam ay umookupa sa 11 sea features, isa sa Malaysia habang tatlo naman sa China.
Paliwanag ni Lorenzana, nagkataon lamang na tatlong malalaking reefs ang sinakop ng China kung saan naglagay sila ng artificial island at military installations.
