Nagsimula na ang clinical trial para sa intra-nasal administered covid-19 vaccine.
Ayon kay DOST Vaccine Expert Panel Head Dr. Nina Gloriani, sa ngayon kasi ay puro injectable pa lamang ang mga available na bakuna sa bansa.
Sinabi pa ni Gloriani na kailangang magpatuloy ang kanilang mga pag-aaral sa mga bakunang inaangkat ng pilipinas lalo na ngayong marami pang covid vaccines na nalilikha na mas ligtas at mas epektibo.
Iginiit pa ng ekspero na walang dapat ikabahala ang publiko dahil mayroon talagang mga pagbabago at mga advanced na teknolohiya sa medicinal research upang mas mapabuti pa ang safety at efficacy ng isang bakuna. —sa panulat ni Hya Ludivico
