Nahukay ng pulisya ang ilang kalansay ng mga hinihinalang drug dealers sa isang masukal na bahagi ng barangay Salawag, Dasmariñas Cavite.
Batay sa ulat, itinuro ang lugar ng mga naarestong drug suspect na kinilalang sina Richard Lozanta at Sonny Toledo.
Ayon kay Cavite PNP PIO Chief Police Captain Alexis Tuazon, posibleng ang mga natagpuang kalansay ay mula sa mga pinatay na drug dealers matapos hindi makapagremit ng benta o mga pinaghihinalaang asset ng pulisya.
Isasailalim naman sa pagsusuri ang mga nahukay na kalansay.
Samantala, bukod sa kasong may kinalaman sa iligal na droga posibleng ipagharap din sa reklamong may kaugnayan sa mga natagpuang labi ang dalawang naarestong drug suspect.
