Timbog ang umano’y tauhan ni dating Ozamiz City Councilor Ricardo ‘Ardot’ Parojinog sa Oroquieta City, Misamis Occidental.
Kinilala ni PDEA Regional Director Wilkins Villanueva ang naarestong suspek na si Iluminado Nuñez Seguisa alyas Loloy, 60 taong gulang.
Sinabi ni Villanueva na inaresto si Seguisa batay na rin sa dalawang warrant na inisyu ng Korte kaugnay sa kinasasangkutang illegal drug operations.
Nakumpiska sa suspek ang dalawang 45 caliber pistol, shotguns at ibat ibang uri ng babala kasama ang tatlumpung gramo ng hinihinalang shabu.
Si Seguisa ay mahaharap sa patong patong na kaso.
