Maiuuwi na sa kanilang bayan sa Concepcion, Iloilo ang labi ni Genesis Argoncillo alyas Tisoy.
Napag-alaman sa kapatid ni Tisoy na ngayon lamang sila nakapag-ipon ng sapat na pera para makauwi sa Iloilo.
Muling paglalamayan si Tisoy sa Iloilo bago ito ilibing sa Sabado, Hulyo 14.
Dalawang linggo na ring nakaburol si Tisoy mula nang masawi ito dahil sa matitinding bugbog na inabot nang makulong ito sa QCPD Station 4 sa Novaliches Quezon City.
Si Tisoy ay isa lamang sa mga naaresto sa pinaigting na operasyon ng pulisya laban sa mga tambay.
—-
