Pumalo na sa mahigit 700 colonel at generals ng Philippine National Police (PNP), ang nakapagpasa na ng kanilang courtesy resignation.
Ito ay bilang pagtalima sa panawagan ni DILG Secretary Benhur Abalos Junior na layong linisin ang hanay ng pulisya laban sa iligal na droga.
Ayon kay PNP Spokesperson, Police Colonel Jean Fajardo, nagmula ang bilang sa 950 matataas na opisyal ng PNP na inatasang magpasa ng resignation.
Sa ngayon, sinabi pa ni Fajardo na hinihintay na lang nila ang mga police colonel at heneral na nakatalaga sa Visayas at Mindanao, na inaasahang maghahain ng pagbibitiw sa loob ng isang linggo.
May hanggang katapusan ng Enero ang mga nabanggit na opisyal upang maghain ng resignation letter, na susuriin naman ng five-man committee na kinabibilangan ni Baguio City Mayor at Retired Police General Benjamin Magalong.