Labis na nababahala ang mga lider ng ASEAN sa ginagawang nuclear at missile test ng North Korea
Kaya naman sa inilabas nilang joint statement sa pagtatapos ng 30th ASEAN Summit, hinikayat ng mga lider ng ASEAN ang North Korea na kontrolin ang sarili.
Hinimok din ng ASEAN ang komunistang bansa na sumunod sa mga resolusyon ng United Nations para mapanatili ang kapayapan sa rehiyon.
muli ring iginiit ng ASEAN na suportado nila ang denuclearization o pagtatanggal sa lahat ng nuclear weapon sa Korean Peninsula at hinikayat ang mga sangkot na partido na idaan sa dayalogo ang hindi pagkakaunawaan.
By: Jonathan Andal
