Hinimok ng election watchdog group na Kontra Daya si Commission on Elections (COMELEC) Chairman Andy Bautista na mag-leave of absence muna sa tungkulin.
Ito ay sa gitna na rin ng kinakaharap na mga kontrobersya ng opisyal.
Sa pahayag ng Kontra Daya, kanilang iginiit na dapat ay pansamantalang lumiban muna bilang COMELEC Chairman si Bautista para bigyang daan ang imbestigasyon kaugnay ng umano’y tagong yaman nito.
Gayundin ang maiwasang magamit ni Bautista ang kanyang posisyon para maimpluwensyahan ang magiging resulta ng imbestigasyon.
Binigyang diin pa ng grupo na hindi lamang dapat masentro ang pagsisiyasat sa kasalukuyang posisyon ni Bautista bilang pinuno ng COMELEC kundi maging noong panahong commissioner pa ito ng PCGG o Presidential Commission on Good Government.