Inihihirit ng grupong Laban Konsyumer sa ERC o Energy Regulatory Commission na ikonsidera nito ang pagpapataw ng fit-all o feed-in tariff allowance para sa singil sa kuryente ngayong buwan.
Ayon kay Atty. Vic Dimagiba, convenor ng grupo, kuwestyunable at hindi makatao ang pagpapataw ng fit-all charges ng erc dahil hindi naman iyon dumaan sa tamang proseso.
Lalo lamang aniyang magpapahirap at magpapabigat sa bayarin ng mga konsyumer ang pagpapatupad ng fit-all o ang uniform charge na sinisingil sa kada kilowatt per hour rate.
Magugunitang inaprubahan ng ERC ang hirit ng mga power producers na .2563 pesos per kilowatt hour na fit-all charges mula sa dating .1830 pesos kada kilowatt per hour.
—-
