Nakatakdang ilabas ngayong araw ang isang Japanese comic book tampok ang pambansang bayani na si Gat Jose Rizal.
Nilikha ng Japanese artist na si Ryo Konno ang cover page ng naturang manga comic book na may pamagat na Jose Rizal at isinulat naman ni Takahiro Matsui.
Laman ng naturang babasahin ang naging buhay ni Rizal mula sa pagiging batang Pepe hanggang sa pagiging bayani nito nang bitayin sa Bagumabayan sa pamamagitan ng firing squad.
Libreng mababasa sa Manga Club Website ang comic book na ito na nakasalin sa mga wikang ingles at hapon kasabay ng ika-157 kaarawan ng pambansang bayani.
