Apat na lalaki ang patay sa buy bust operation ng Manila Police District (MPD) Station 3 sa Sta. Cruz, kahapon.
Kinilala ang mga napatay bilang sina Ariel Buenaventura, Ryan Diwata, Arnold Concido at isang alyas To.
Ayon kay Chief Inspector Leandro Gutierrez ng Plaza Miranda-PCP, natunugan umano ng mga suspek na pulis ang kanilang ka-transaksyon kaya’t agad silang nagpaputok ng baril.
Nadala pa sa ospital ang apat pero agad ding binawian ng buhay.
Na-recover naman sa crime scene ang apat na revolver, marked-money at hindi pa mabatid na dami ng sachet ng shabu.
—-
