Tinatayang nasa 40,000 ang nakipaglibing kay Winnie Madikzela-Mandela, ang dating asawa ng kilalang anti-apartheid leader ng South Africa na si Nelson Mandela na pumanaw noong Abril 2.
Isinagawa ang funeral service sa dating asawa ni Mandela sa Soweto na isang bayan malapit sa kapital nitong Johanessburg kung saan ipinaglaban ni Mandela ang karapatan ng kanilang mamamayan.
Ayon kay South African President Cyril Ramaphosa, kasabay ng pagluluksa ng kanilang bansa, dapat din aniyang ipagdiwang ang makabuluhang buhay ni mandela na inilaan ang sarili para sa kanilang mga kababayan.
Magugunitang Abril 2 pa nang masawi si Mandela sa edad na 81 dahil sa matagal na nitong iniindang karamdaman kung saan, bumuhos ang mga pagpapaabot ng simpatiya at pakikiramay mula sa iba’t ibang lider ng mundo.
