Dumating na sa Helsinki Finland si US President Donald Trump, ilang oras bago ang kauna-unahang pulong nila ni Russian President Vladimir Putin ngayong araw.
Galing si Trump kasama ang asawang si Melania sa Scotland kung saan nanatili sila ng ilang araw sa pagmamay-ari nitong golf resort matapos naman ang pagbisita kay Queen Elizabeth.
Hindi naman idinetalye ng White House ang mga tatalakaying usapin ng dalawang lider.
Gayunman inaasahang itatanong ni Trump kay Putin ang isyu ng pakikialam umano ng Russia sa nakaraang halalan sa Estados Unidos.
—-
