Sa pagsisimula ng unang araw ng unang working week matapos ang mahal na araw, ipinabatid ng Department of Transportation o DOTr na walang naitalang unloading incidents o anumang skipping trains sa buong araw na operasyon ng MRT 3.
Sinabi ng DOTr na mayroon pang pagkakataong halos 15 tren ang nag o operate kahapon kung kailan naisakay ang halos 300,000 pasahero.
Samantala, anim na tren muna ang pinalarga sa pagsisimula ng commercial operations ng MRT 3 ngayong araw na ito bagama’t pitong tren ang inaasahang mapapatakbo ngayong araw ng martes.
Nananatili pa ring mahabang ang pila sa North Avenue Station gayundin ang mga bus na binigyan ng special permit para sa naturang operasyon.
Magugunitang isinalang sa limang araw na maintenance work ang MRT 3 simula miyerkules santo.
