Itinakda na ng Commission on Elections o COMELEC sa Abril ang paghahain ng certificate of candidacy o COC ng mga nagnanais na tumakbo sa darating na barangay at Sangguniang Kabataan elections.
Ayon kay COMELEC Spokesman James Jimenez, papayagan lamang na maghain ng COC ang mga kandidato mula Abril 14 hanggang Abril 29 habang itinakda naman ang campaign period sa Mayo 4 hanggang May 12.
Nilinaw ni Jimenez na gagamitin pa rin ang nauna nang naimprentang balota para dapat sa eleksyon noong Oktubre bago ito ipinagpaliban.
Ang naturang mga balota ay gagamitin sa National Capital Region, Luzon at Visayas habang mag-iimprenta naman ng bagong mga balota para sa Mindanao.
—-
