Niyanig ng magnitude 4.5 na lindol ang bayan ng Burgos sa Surigao Del Norte.
Ayon sa PHIVOLCS, ang pagyanig ay naitala kaninang 9:24 ng umaga na may layong 19 kilometro sa kanlurang bahagi ng bayan ng Burgos.
Naramdaman naman ang intensity ng naturang lindol sa ilang bayan ng Surigao Del Norte: Intensity 4 sa bayan ng Burgos at Santa Monica; Intensity 3 sa Pilar at Dapa; Intensity 2 sa bayan ng Del Carmen at Socorro; at Instrumental Intensity 1 sa Surigao City.
Tectonic ang pinagmulan ng lindol na may lalim na 11 kilometro.
Samantala, wala namang inaasahang napinsala at aftershocks sa nasabing lindol.
