Inakusahan ni Public Attorney’s Office (PAO) Chief Persida Rueda-Acosta na malisyoso ang pahayag ng Department of Health (DOH) na walang nasasawi sa mga tinurukan ng anti-Dengue vaccine na Dengvaxia.
Ayon kay Acosta, siyam na kaso ang isinampa sa Department of Justice (DOJ) at anim pa ang ihahain kung saan 56 ang nasawi kabilang ang isang pulis at doktor dahil sa naturang bakuna.
Una ng itinanggi ng DOH na mayroong namatay dahil sa Dengvaxia kaya’t umalma ang pinuno ng PAO.
Iginiit ni Acosta na madali lamang sabihin na wala sa master list ng kagawaran ang mga binakunahan pero hindi naman nito inalalantad sa publiko.