Nakatakdang bumili ng karagdagang isandaang (100) detection dogs ang PDEA o Philippine Drug Enforcement Agency para sa kampanya kontra droga.
Ayon kay PDEA Director General Aaron Aquino, ang hakbang na ito ay upang mas mapaigting pa ang kampanya laban sa iligal na droga partikular na pagharang sa mga nakakapuslit na narcotics sa mga cargo terminals sa buong bansa.
Bukod pa rito ay nakipag-ugnayan na rin aniya ang PDEA sa mga may ari ng mga naturang delivery at courier services upang makatuwang sa pagharang at paghuli ng mga illigal na droga na tinatangkakang ipuslit sa bansa.
Dagdag pa ni Aquino kasabay ng pinaigting na kampanya ng war on drugs ng pamahalaan ay gumagawa na rin ng iba’t ibang paraan ang mga drug syndicate para maipagpatuloy ang kanilang iligal na gawain.
Tiniyak naman ni Aquino na maging sila ay humahanap na rin ng paraan, isa na nga dito ang mga karagdagang sniffing dogs upang hindi makalusot ang mga bagong modus operandi na inihahanda ng mga sindikato.
