Inirekomenda na ng Philippine National Police – Internal Affairs Service o PNP IAS kay Pnp Chief Ronald “Bato” Dela Rosa na sibakin sa serbisyo ang 58 pulis na napatunayang sangkot sa iba’t ibang katiwalian.
Sinabi ni PNP – IAS Inspector General Atty. Alfegar Triambulo na pangongotong at kidnapping ang halos lahat ng kaso ng mga nasabing pulis.
Karamihan aniya dito ay nakatalaga sa Northern Police District o NPD, partikular ang mga Pulis – Caloocan na sangkot sa mga kontrobersyal na kaso ng pagpaslang kay Carl Angelo Arnaiz.
Ang ilan naman ay mga pulis na nahuli ng PNP Counter Intelligence Task Force na siyang grupong naglilinis sa hanay ng pulisya mula sa mga scalawags.
