Tinawag na pathetic ni dating Interior Secretary Mar Roxas ang kasong plunder na isinampa laban sa kaniya ng DOTR o Department of Transportation.
Ayon kay Roxas, katawa-tawang malaman na ipasa ang sisi sa kanila sa pamamagitan ng kasong inimbento lang, walang kalaman-laman at walang batayan sa katotohanan.
Giit ni Roxas, ginagawa lamang ng kasalukuyang administrasyon ang pagsasampa ng kaso laban sa nakalipas na administrasyon upang maipakita sa publiko na mayruon silang nagagawa.
Gayunman, tumanggi nang magkomento pa si Roxas hinggil sa usapin hangga’t hindi pa niya nakukuha ang kopya ng reklamo laban sa kaniya.
