Pinugutan ng Abu Sayyaf ang Barangay Chairman na dinukot nila noong buwan pa ng Mayo kasama ng dalawang tauhan ng Philippine Coast Guard (PCG).
Natagpuan ang walang ulong katawan ni Barangay Chairman Rodolfo Boligao sa barangay Labah sa Maimbung Sulu.
Pagkaraan ng ilang oras ay nakita rin sa hindi kalayuan ang ulo kasama ang isang papel kung saan nakasulat ang pangalan ng biktima.
Ayon kay Dr. Raden Ikbala ng Sulu Integrated Provincial Health Office, ikinabit uli nila ang ulo sa katawan at nakatakdang ipadala pauwi sa kanilang tahanan sa barangay Aliguay Island sa Dapitan City.
Sinasabing pinugutan si Buligao matapos mabigo ang pamilya nito na magbayad ng ransom money.
Samantala, ayon sa militar, blangko pa sila kung ano na ang nangyari sa dalawang Coast Guard personnel na dinukot rin ng Abu Sayyaf kasabay ni Buligao.
Nakilala ang dalawang biktima na sina SN2 Gringo Villaluz at SN1 Rod Pagaling.
Napag-alamang bumibisita sa Barangay Kapitan ang dalawang tauhan ng Coast Guard nang bilang may dumating na armadong mga lalake at tinangay sila patungo ng Sulu.
By Len Aguirre
