Handang patunayan ng Pilipinas ang naging pahayag ni Pangulong Rodrigo Duterte hinggil sa operasyon ng dalawang Taiwanese drug syndicate sa Pilipinas.
Ito ang sagot ng Malacañang sa hamon ng Taiwan na maglabas ng matibay na ebidensya hinggil sa tinaguriang ‘Bamboo Triad’ at 14K drug cartel na nagsusuplay ng shabu hindi lamang sa Pilipinas kung hindi sa iba’t ibang panig ng mundo.
Ayon kay Presidential Spokesman Ernesto Abella, may mga mapagkakatiwalaang sources ang Pangulo mula sa international community at kaya nilang patunayan ang nasabing impormasyon.
Pero paglilinaw ni Abella, wala aniyang partikular na bansa ang pinatutungkulan ng Pangulo sa halip, nais lamang nitong bigyang diin na mayruon ngang mga organized crime syndicate na gumagalaw sa likod ng iligal na droga.
—-
