Tiniyak ni Defense Secretary Delfin Lorenzana na hindi na magkakaroon ng ‘pabaon’ ang mga magreretirong mataas na opisyal ng Armed Forces of the Philippines o AFP.
Ang pahayag na ito ni Lorenzana ay kasunod ng tila pagdududa ni Senador Panfilo Lacson na posibleng mangyari ulit ang ‘pabaon system’ sa AFP kasabay ng isinagawang budget hearing kahapon sa Senado para sa DND o Department of National Defense.
Giit ni Lorenzana, isa itong masamang gawain na dapat ng itigil at sa halip ay ilaan na lamang sa benepisyo ng mga sundalo ang ‘pabaon’ na aniya ay umaabot hanggang limampung milyong piso.
—-
