Nilinaw ni Department of Interior and Local Government (DILG) Secretary Mar Roxas na kinausap niya si Senadora Grace Poe na kanyang maging running mate para sa 2016 elections.
Naganap aniya ito noong makipagpulong sila ni Poe kay Pangulong Benigno Aquino III.
Hinala ni Roxas, posibleng hindi sineryoso ni Poe ang naturang alok na maging katambal niya lalo pa’t wala pa namang opisyal na pambato ang Liberal Party.
Una rito, iginiit ni Poe na wala siyang natatanggap na pormal na alok para tumakbo bilang Bise Presidente sa ilalim ng LP.
By Ralph Obina
