Tiniyak ng Vatican na nasa mabuting kalagayan na ngayon si Pope Francis makaraang magtamo ito ng sugat dulot ng aksidente.
Ito’y ayon kay Vatican Spokesman Greg Burke ay matapos mauntog ang Santo Papa sa kaniyang pope mobile habang bumibisita ito sa Cartagena sa bansang Colombia.
Nangyari ang aksidente nang biglang pumreno ang sinasakyan ng 80-anyos na pinuno ng Simbahang Katolika habang kumakaway sa mga tao kung saan, tinamaan ang kaliwang kilay nito.
Agad namang nilapatan ng lunas ang Santo Papa ngunit wala naman itong naging epekto sa kaniyang iskedyul sa naturang bansa.
—-
