Naka-alerto ang mga residente ng Barangay San Andres sa Cainta, Rizal.
Ito ayon sa mga residente, dahil sa dalawang lalaking sakay ng motorsiklo ang nagtungo sa kanilang lugar noong Martes ng gabi at nagtatanong kung saan nakatira ang tatlong kasamahan nina Carl Angelo Arnaiz at Reynaldo ‘Kulot’ de Guzman.
Batay sa report, hindi umano inalis ng mga suspek ang suot nilang helmet habang nagtatanong sa bahay ng mga kasamahan ng dalawang binatilyong pinatay.
Dahil dito, umaapela ng proteksyon ang pamilya ng mga kasamahan nina Carl at Kulot.
