Nagpalabas na ang MMDA o Metro Manila Development Authority ng alternate traffic routes kaugnay sa 50th ASEAN Foreign Ministers Meeting.
Ayon sa MMDA, sarado ang southbound road ng Roxas Boulevard mula P. Burgos hanggang Buendia, 2:00 ng hapon hanggang 9:00 ng gabi sa Agosto 8.
Kasunod na rin ito nang isasagawang parada at ceremonial lighting para sa grand commemorative celebration sa CCP o Cultural Center of the Philippines.
Ipatutupad din ang total truck ban sa kahabaan ng Roxas Boulevard mula Buendia Avenue patungong P. Burgos sa Agosto 8.
