Pangulong Duterte walang planong bumiyahe sa Amerika

Walang  plano  si Pangulong  Rodrigo Duterte na  bumiyahe  sa Amerika.

Ito ang  tugon ng  palasyo  sa  pahayag  ni U.S.  Congressman  Jim Mcgovern na  pangunguhanan niya ang  kilos  protesta sakaling  magtungo sa  White  House  si Pangulong  Duterte.

Ayon kay Presidential Communications  Secretary  Martin Andanar,  abala ang  Pangulo at  marami itong  inaasikaso  lalo na ang  problema  sa  ISIS-Maute   Terror  Group.

Wala naman  anyang  ibinigay  na  dahilan ang punong ehekutibo kung  bakit  wala  silang  planong  pumunta sa  Estados unidos Sa  kabila  ng  imbitasyon sa  kanya  ni U.S.  President Donald  Trump.

Si Mcgovern ang  mambabatas  ng  Amerika  na  nag-iimbestiga   sa  human  rights  violations  umano sa  Pilipinas  at nagsabing  mayroong  nagaganap  na  human rights  calamity  dahil sa  anti-drug  campaign ng  gobyerno.

By: Drew Nacino  / Aileen Taliping

Comments

comments