1 sa 6 na Vietnamese na bihag ng ASG nasagip sa Basilan

Nasagip ng mga sundalo ang isa sa anim na Vietnamese nationals na dinukot ng Abu Sayyaf sa kasagsagan ng opensiba ng militar sa Basilan.

Ayon kay Col. Juvymax Uy, Commander ng Joint Task Force Basilan, kinilala ang nasabing bihag na si Hoang Vo na nasagip dakong alas-8:00 ng umaga kahapon.

Nakahanap umano ng pagkakataon ang biktima na makatakas mula sa mga bandido kung saan, nagtamo ito ng sugat sa katawan ngunit nasa stable nang kundisyon.

Gayunman, nilapatan pa rin ng agarang lunas ang nasagip na bihag na dinukot noong Nobyembre ng nakalipas na taon habang dumaraan sa karagatang sakop ng Sibago Island.

By Jaymark Dagala / with report from Jonathan Andal (Patrol 31) 

Comments

comments