Nagkomento si Office of the Vice President spokesperson Ruth Castelo hinggil sa ibinunyag ni dating senador Antonio Trillanes the Fourth na sinasabing magkaibigan sina Vice President Sara Duterte at Naga City Mayor Leni Robredo.
Ayon kay Attorney Castelo, kung totoo man na magkaibigan ang dalawa, tiyak na maraming matutunang tips si VP Sara kay dating Vice President Robredo.
Sinabi ni Senator Trillanes, na ang pagiging magkaibigan nina VP Duterte at dating VP Robredo ang dahilan kaya si Senator Risa Hontiveros ang napupusuan niya sa pagka-presidente sa 2028 elections.
Binanggit din nito ang track record ni Senator Hontiveros sa paninindigan sa mga Duterte at sa pagpapapanagot sa bise presidente.
Nahaharap si VP Duterte sa isyung impeachment kaugnay ng maling paggamit umano ng pondo ng bayan kabilang na ang confidential fund.
