Isusulong ng gobyerno ng Pilipinas na mabigyan ng pardon si Mary Jane Veloso matapos na lumabas na isa lamang itong biktima ng mga drug traffickers.
Ayon kay DOJ Sec. Leila de Lima, ito ay kung irekomenda ng prosecutor na sampahan ng kaso ang sinasabing mga iligal recruiter ni Veloso na si Cristina Sergio at kinakasama nito.
Dahil dito, posibleng mapatunayan na biktima lamang si Veloso at wala syang kinalaman sa mga nahuling droga sa kanyang maleta.
Aminado naman si de Lima na hindi maaring i-pressure ang Indonesian government na ipagkaloob ang pardon. Aniya, dahil ang Indonesia pa rin ang siyang may pinal na desisyon sa buhay ni Veloso.
By Rianne Briones
