Positibo ang AFP o Armed Forces of the Philippines na makakamit nila ang target na mapulbos ang Abu Sayyaf Group sa loob ng tatlong buwan.
Ipinabatid ni AFP Spokesman Brig. Gen. Restituto Padilla na nagpapatuloy ang operasyon ng militar lalo na sa Abu Sayyaf na naka-base sa Sulu.
Umaasa aniya sila na bubuhos ang suporta ng komunidad at ng lokal na pamahalaan sa kanilang giyera laban sa mga bandidong grupo.
Noong Huwebes, muling ipina-alaala ni Pangulong Rodrigo Duterte kay AFP Chief of Staff General Eduardo Año na ipagpatuloy ang opensiba laban sa Abu Sayyaf at inatasan ang heneral na gamitin ang lahat ng available na military assets para buwagin ang teroristang grupo.
By: Meann Tanbio
