Nagbanta si Pangulong Rodrigo Duterte na sisibakin ang mga Customs Police at maging ang mga tauhan ng Bureau of Immigration o BI na nakatalaga sa airport kapag ayaw pa ring magpa-awat sa pambibiktima sa mga Overseas Filipino Workers (OFW’s).
Ayon sa Pangulo, pasimple pa rin kasing binubuksan ang mga bagahe ng mga OFW para sa umano’y inspeksyon, pero may kinukuhang mga gamit gaya ng pabango o tsokolate.
Ipinabatid ng Pangulo na makailang beses na niyang pinakiusapan ang customs at immigration officers na palusutin ang mga OFW, pero mayroon pa ring mga pasaway kaya’t ba-brasuhin na niya ang mga ito.
Matatandaang una nang nagbanta ang Pangulo na ipakakain niya sa mga pulis, immigration at customs officers ang bala kapag may nabiktima pa sa airport ng laglag-bala.
By Meann Tanbio |With Report from Aileen Taliping
