Pinasususpinde ng anim (6) na buwan ni Ombudsman Conchita Carpio Morales ang dating Presidente ng DOSCST o Davao Oriental State College of Science and Technology at tatlong iba pa dahil sa maanomalyang pagbili ng laboratory equipment noong 2006.
Hinatulang guilty sa conduct prejudicial to the best interest of the service sina dating DOSCST President Jonathan Bayogan, OIC-Director for Administrative Services Vivian Labasano, Bids and Awards Committee Chairman Airma Ladera at member Erlina Patosa.
Lumabas sa imbestigasyon ng Ombudsman Mindanao Field Investigation Unit na bumili ang DOSCST ng supplies at equipment para sa fund laboratory noong March 2006 nang hindi dumaan sa public bidding.
Malinaw anila na paglabag ito sa procurement law ng bansa.
By Meann Tanbio | Report from Jill Resontoc (Patrol 7)
