Nawasak na ng mga militar sa Maguindanao ang kuta ng teroristang ISIS-Daesh-inspired group.
Ito’y makaraang maglunsad ng surgical air, artillery at ground operation ang puwersa ng 6th infantry division sa bahagi ng Maguindanao.
Ayon kay 6th Infantry Division Commander Major General Cirilito Sobejana, target nilang mawasak ang kuta ng grupong pinangungunahan ni Salahuddin Hassan.
Nakipag-ugnayan din aniya sila sa MILF o Moro Islamic Liberation Front hinggil sa kanilang ikinasang operasyon.
