Bibigyan ng MMDA o Metropolitan Manila Development Authority ang kanilang mga traffic enforcer ng bagong uniporme at head gear na akma para ngayong tag-init.
Ayon kay MMDA Chairman Thomas Orbos, layon nito na maprotektahan ang kalusugan ng kanilang traffic enforcers.
Kasabay nito, ipinaalala rin ni Orbos na simula ngayong Abril, magpapatupad sila ng Heat Stroke Break Policy kung saan pinapayagang magpahinga ang mga traffic enforcers mula 10:00 ng umaga hanggang 2:00 ng hapon na siyang oras ng kasagsagan ng init.
Tatagal ang Heat Stroke Break Policy para sa mga traffic enforcers ng MMDA hanggang Mayo 31.
By Avee Devierte / Ralph Obina
