Pinaghahanda na ang fans sa Pilipinas ni Irish Singer Songwriter Niall Horan na dating miyembro ng boy band group na One Direction.
Ito ay dahil sa itinakdang concert ni Horan sa MOA Arena sa Pasay City sa Hunyo 10, 2018.
Mismong si Horan ang nag-anunsyo sa kaniyang Twitter account nang pagdadala ng Flicker World Tour sa Pilipinas, Singapore at maging sa Japan.
Philippines , Japan and Singapore , I am bringing my Flicker world Tour to you next year ! pic.twitter.com/I7sa9qWWXT
— Niall Horan (@NiallOfficial) October 26, 2017
Ang naturang Asian tour dates ng dating miyembro ng One Direction ay dagdag sa concert nito sa New Zealand, Australia at North America para i-promote ang kaniyang album na Flicker.
Ang ticket para sa show ni Horan sa Pilipinas ay available na simula sa Nobyembre 5 at nagkakahalaga ng mula P3,000.00 hanggang P7,000.00.
