Tiniyak ng kampo ni dating 8-division world champion Manny Pacquiao na handa ang pambansang kamao sa inaasahang knockout power na alas umano ng Argentine boxer na Lucas Matthysse.
Ayon kay head trainer Buboy Fernandez, tinutukan nila ng husto ang mga nagdaang laban ni Matthysse para mapaghandaan ito ni Pacquiao.
Sinabi Fernandez na bahagi ng kanilang game plan ang antayin ang pag-atake ni Matthysse at saka magpapakawala ng counter ang fighting senator.
Sinabi pa ng kampo ni Pacquiao na sa halip na mag-asam ng knockout, nakatuon ang pansin ngayon ng senador na maipakitang kontrolado at dominado niya ang laban.
Ang bakbakang Pacquiao-Matthysse ay gaganapin na sa Linggo sa Kuala Lumpur, Malaysia.
—-
