Pina-iimbestigahan ni Bayan Party-list Representative Carlos Zarate ang nawawala umanong P21-B na Malampaya Funds.
Kinuwestyon ni Zarate ang unrecorded aniyang SARO o Special Allotment Release Order ng Department of Energy (DOE) mula sa Malampaya Funds base na rin sa resulta ng audit ng Commission on Audit (COA).
Sinabi ni Zarate na matagal nang nagamit ang pondo subalit ngayong taon lamang naipasok sa libro bilang unreported ang naturang saro.
Binigyang diin ni Zarate na mahalagang mabatid kung saan ginamit ang naturang pondo dahil malinaw sa batas na ang Malampaya Funds ay para lamang sa mga proyektong may kaugnayan sa produksyon ng kuryente.