Sinalakay ng mga armadong grupo ang isang kampo ng militar sa North Cotabato pasado alas-9:00 ng gabi.
Batay sa report ng 602nd Brigade ng Philippine Army, inatake ng may dalawampung (20) miyembro ng Bangsamoro Islamic Freedom Fighters (BIFF) ang command post ng Alpha Company ng 34th Infantry Batallion sa Barangay Nabalawag, Midsayap, Cotabato.
Tumagal ng kalahating oras ang palitan ng putok sa magkabilang panig subalit umatras ang mga rebelde nang dumating ang puwersa ng 34th Infantry Batallion ng Army.
Ayon sa militar, walang nasugatan o nasawi sa kanilang panig subalit hindi matiyak sa panig ng mga rebelde.
By Judith Larino
