Inihayag ng Malakanyang na walang dapat na ipag-alala ang publiko sa kundisyong pangkalusugan ni Pangulong Rodrigo Duterte.
Sinabi ni Presidential Spokesman Ernesto Abella na maayos ang kalagayan ng Pangulo.
Sa kabila ito ng pahayag ng Pangulo na araw-araw siyang nakararanas ng migraine at iniinda niya rin ang problema sa spinal at Buerger’s disease.
Muli namang tiniyak ni Abella na tuluy-tuloy ang pagtatrabaho ng Presidente na ibig sabihin ay gusto nito ang kanyang ginagawa at trabaho.
By: Meann Tanbio / Aileen Taliping
