Magkakaroon ang Pangulong Rodrigo Duterte ng tig-isang oras na morning show kada araw na laan para sa sumbong ng publiko.
Ayon sa Pangulo, nariyan ang Malacañang TV at ang PTV 4 para mapanood ang kanyang programa para maisahimpapawid ang mga reklamo laban sa mga ahensya ng gobyerno.
Ang pagkakaroon ng TV program at paglilimbag ng tabloid ay bahagi ng ideya ng Presidential Communications Office o PCO.
Matatandaang hindi na ito bago sa Pangulo lalo’t mayroon itong programa sa radyo na tumatanggap ng mga sumbong ng mamamayan noong siya ay alkalde pa ng Davao City.
By Ralph Obina
Photo Credit: PPD
