Gustong ipagiba ni PNP Chief Ronald Bato Dela Rosa ang New Bilibid Prison
Ayon kay Bato, ito lang ang nakikita niyang paraan para tuluyan nang mawala ang iligal na droga sa loob ng Bilibid.
Sa ngayon kasi, kabisado na anya ng mga preso ang bawat sulok ng mga gusali sa loob ng kulungan, kaya madali silang nakapagtatago ng mga kontrabando ilang beses man silang isalang sa Oplan Galugad.
Ayon sa hepe ng PNP, dapat magtayo ulit nang panibagong gusali na pagkukulangan sa mga preso.
Kung matatandaan, batay sa report ng Bucor nag sha shabu umano ang mga drug lord bago sumiklab ang umanoy riot sa Bilibid kahapon.
Giit naman ng PNP, hinidi nalusutan ang SAF at lumang droga na itinago ng maigi noon ang ginamit ng mga preso.
By: Avee Devierte
