Marami ang posibleng mawalan ng trabaho sakaling isabatas ang second package ng Tax Reform for Acceleration and Inclusion o TRAIN Law na layuning tapyasan ang corporate income tax.
Ito ang ibinabala ni Department of Labor and Employment- Bureau of Local Employment Director Dominique Tutay sa kanyang pagharap sa Senate hearing kaugnay sa panukalang TRAIN 2 o Tax Reform for Attracting Better and High Quality Opportunities na mas kilala bilang Trabaho Bill.
Sa pagtatanong ni Senate Committee on Economic Affairs Chairman Sherwin Gatchalian, inihayag ni Tutay na maaaring maapektuhan ang mga technology driven industries.
Gayunman, hindi idinetalye ng Labor official kung anong partikular na sub-sector sa naturang industriya ang labis na maaapektuhan dahil kailangan pa nilang tapusin ng Department of Finance ang pag-aaral hinggil dito.
Kinatigan naman ni Senate Ways and Means Committee Chairman Sonny Angara si Gatchalian at kinuwestyon ang kakulangan sa pag-aaral ng DOLE sa nabanggit na panukala.
Kabilang sa nasabing industriya computer and telecommunication hardware manufacturing at business process outsourcing sector.
—-