Nailipat na sa New Bilibid Prison (NBP) sa Muntinlupa City si Retired Army General Jovito Palparan Jr.
Ito ang kinumpirma ni Justice Secretary Menardo Guevarra matapos naman mahatulan ng Malolos Regional Trial Court ang tinaguriang berdugo na si palpaRan ng habang buhay na pagkakabilanggo dahil sa pagdukot sa dalawang estudyante ng University of the Philippines noong 2006.
Ayon kay Guevarra, Sabado pa nang mailipat sa Bilibid si Palparan kasama ang kanyang mga kapwa akusado na sina Retired Lt. Col. Felipe Anotado Jr. at Staff Sgt. Edgardo Osorio sa kasong kidnapping at serious illegal detention.
Una nang sinabi ni Bureau of Corrections (BuCor) Director Ronald Dela Rosa na posibleng ikulong si Palparan maximum security compound ng NBP.
Tiniyak rin ni Dela Rosa na walang ibibigay na special treatment sa retiradong heneral.
—-