Pinasususpinde na ng tatlong senador ang implementasyon ng Republic Act 10963 o Tax Reform for Acceleration and Inclusion na kilala rin bilang TRAIN Law.
Sa hearing ng Senate Committee on Public Utilities, pinagbatayan ni Senador Grace Poe, Chairperson ng naturang kumite ang reklamo ng mga consumer at transport group sa patuloy na pagtaas ng presyo ng mga bilihin.
Dapat na anyang suspendihin ang full implementation ng naturang batas lalo ang excise tax sa langis dahil apektado na ang lahat ng produkto.
Suportado naman ang panawagan ni Poe ng kanyang mga kasama sa komite na sina Senators Nancy Binay at JV Ejercito.
Ihihirit din anila ng kumite sa Department of Finance at iba pang government agencies na masusing pag-aralan ang suspensyon ng excise tax sa langis na hindi napapanahon dahil sa patuloy na pagtaas ng oil products.
—-
