Ininspeksyon ng Department of Trade and Industry ang ilang pamilihan nitong Miyerkules.
Sa kanilang pag-iikot, may mga supermarket na hindi pa nagpapatupad ng tatlo hanggang 5% dagdag-presyo na inaprubahan na noong nakaraang linggo.
Ayon sa isang manager ng supermarket, sa mga susunod na araw pa o linggo nila ipatutupad ang bagong presyo.
Ayon naman kay Trade Undersecretary Ruth Castelo, humihirit na ang ilang manufacturer ng dagdag presyo sa kanilang mga produkto.
Ang mga ito ay mga produtong hindi naisama sa huling SRP o Suggested Retail Price para hindi mabigla ang mga mamimili.
Hindi pa kasama riyan ang dagdag presyo sa noche buena items.
Ipinayo naman ni Castelo sa publiko na mamili na kung kakayanin ng ilang noche buena products gaya ng pasta at de lata habang wala pang pagpalo sa presyo nito.—sa panulat ni Rex Espiritu