Pansamantalang sinuspende ang pagproseso ng iba’t-ibang transaksyon sa punong tanggapan ng Bureau of Immigration (BI) sa Intramuros sa Maynila.
Sa isang pahayag, sinabi ni BI Commissioner Jaime Morente na ang naturang hakbang ay para bigyang daan ang disinfection and sanitation sa buong tanggapan ng ahensya.
Mababatid na epektibo ang suspensyon sa operasyon sa punong tanggapan ng BI ngayong araw hanggang bukas, ika-16 ng Marso.
Dahil dito, pinayuhan ni Morente ang sinuman na may scheduled appointment sa tanggapan na sa iba munang BI offices magpunta.
