Hindi kumbinsido ni Senate Committee on Public Service Grace Poe sa mungkahing paglilipat ng terminal ng ibang mga airlines sa ibang paliparan tulad sa Clark International Airport at ang Terminal Rationalization.
Bilang tugon naman sa matagal nang problema sa traffic congestion sa Ninoy Aquino International Airport (NAIA).
Ayon kay Poe, ang sagot sa matagal ng suliranin sa NAIA ay ang mapalawak at ma-rehabilitate ito para kayanin ang pag-a-accommodate ng maraming airlines at maiwasan ang traffic.
Iginiit pa ni Poe ang pag-apruba ni Pangulong Rodrigo Duterte sa consortium na interesado sa pag-papaganda at pagpapalawak ng NAIA.
Dagdag ni Poe, makabubuti rin kung mapagtutuunan ang pagsasaayos sa interconnectivity sa bawat paliparan bago ang panukalang ilipat ng mga airlines ang ilan nilang domestic flights sa Clark International Airport.
Krista de Dios/ Cely Ortega-Bueno / RPE
