Patuloy na inuulan ng papuri at biyaya ang isang push cart retriever na nagsauli ng napulot na pouch ng isang dayuhang pasahero na naglalaman ng mahigit P100,000 pisong cash.
Sa panayam ng DWIZ, sinabi ni si Consul Bobby Joseph na bibigyan ng parangal at P10,000 ng kanyang grupo si Porferio Lavado Jr. matapos isauli ang pouch na pag-aari ng Chinese passenger na si Xiren Wu.
Una nang pinagkalooban ni Wu si Lavado ng P10,000 na cash bilang reward sa ipinakita nitong katapatan at kabutihan.
Samantala, sinabi naman ni Lavado na hindi niya pinag-interesan ang pera dahil ayaw niyang gumastos ng hindi niya pinaghirapan.
Gayunman, paliwanag ni Lavado, hindi niya naisip na magkakaroon ng kapalit ang kanyang pagiging tapat.
Reward
Halos wala nang natira sa P10,000 na reward na tinanggap ng push cart retriever mula sa isang dayuhang pasahero sa NAIA Terminal 1.
Sa panayam ng DWIZ, sinabi ni Porferio Lavado Jr. na ibinigay niya sa mga miyembro ng airport police ang P8,000 na bahagi ng pinagkaloob sa kanya ng pasaherong si Xiren Wu na nakaiwan ng pouch na may lamang P120,000 na cash.
Ayon naman kay Ginoong Dante Basanta, Officer-in-Charge ng Office of the Terminal Manager, gagawaran ng pagkilala o commendation si Lavado sa susunod na buwan bunsod ng ipinamalas niyang katapatan.
By Jelbert Perdez | Raoul Esperas (Patrol 45)
Photo Courtesy of: Mr. Raoul Esperas